其貌不揚，卻極具內涵嘅美味佳餚
除左可以餸飯之外，仲可以佐酒
材料：（兩人份量） 薯仔（細size） 4個 蔥花 少許
調味料： 豆味噌 1湯匙 味醂料理酒 1湯匙 糖 1/2湯匙（按喜好作增減） 麥芽糖/澱粉糖漿 1湯匙 濃口醬油 1/2湯匙（按喜好作增減） 白芝麻粉 1湯匙
1. 用鮑魚刷洗乾淨薯仔表面後，唔批皮，切成薯角。 放入煲內，加入清水開火煮約10-15分鐘。 （如果見到薯仔皮開始分離就要立即熄火！否則薯仔好快就會煮爛⋯） 2. 瀝乾水分，備用。
3. 將所有調味料混合，試一試味，確認鹹甜度是否需要調整。
4. 燒熱平底鑊，倒入食用油。 將薯角表面用中細火煎脆（金黃色）。 5. 倒出多餘油份，開細火。 倒入調味醬料，立即兜勻。 小心火候，醬料容易燒燶 最後加入牛油，熄火。 上碟後灑上蔥花就搞掂
其他有關豆味噌的烹調示範短片，請到此連結觀看
Commentaires